دانلود آهنگ ترکی جدید

İndidən ürəyimi
Alıbdı yırtıcı qəm
Buna bircə səbəb var
Sabah səni görəcəm

Elə bilirdim səni
Qəlbimdən çıxartmışam
Sən demə uzun illər
Özümü allatmışam

Səni yenə sevirəm
O vaxt sevdiyim kimi
Ey gözümün həsrəti
Ürəyimin hakimi

Səni görəcəm deyə
Qəlbim yarpaqtək əsir
Gözlərim gözlərinin
Görüşünə tələsir

Yarı görəcəm deyə
Atəşim var,közüm var
Kaş ki,deyə biləydim
Deyiləsi sözüm var

Gözümə baxan zaman
Gözlərin utanacaq
Özünü bir anlığa
Xəyanətkar sanacaq

Üzünü görmək üçün
Sabaha tələsirəm
On beş yaşlı gənc kimi
Titrəyirəm,əsirəm

İndidən ürəyimi
Alıbdı yırtıcı qəm
Buna bircə səbəb var
Sabah səni görəcəm